Թռիչքի ուշացման, հետաձգման փոխհատուցում ստանալու հիմնական պայմանները

Թռիչքի ուշացման, հետաձգման դեպքում փոխհատուցում ստանալու համար պետք է ներկայացնել առցանց/օնլայն հայտ passenger.am կայքի միջոցով իրավախախտ ավիաընկերությանը, որի համար անհրաժեշտ է լրացնել հայտ-դիմումը, ստորագրել համապատասխան լիազորագիրը և կցել էլեկտրոնային եղանակով առնվազն հետևյալ փաստաթղթերը և տեղեկատվությունը՝

1. ավիատոմսը, որտեղ նշված է տոմսի ամրագրման տվյալներըը
2. վավեր անձնագրի պատճենը՝ 2- 5 էջերի պատճենները PDF ֆորմատով
3. նստեցման կտրոնը, եթե առկա է
4. ստորագրել առ այն,որ բոլոր տրված տեղեկությունները համապատասխանում են իրականությանը և որ ստորագրող Ուղևորը տեղեկացված է կեղծ կամ ակնհայտ կեղծ տեղեկություններ հաղորդելու մասին օրենսդրությամբ նախատեսված պատասխանատվության մասին:

Passenger.am-ը, որպես իրավական թիմով մասնագիտացված միջնորդ կազմակերպություն, գործում է հօգուտ Ուղևորի իրավունքների և օրինական շահերի պաշտպանության և վերականգման, հանդիսանում է միջնորդ Ուղևորի և ենթադրյալ օրինախախտ ավիաընկերության միջև:

Ի՞նչ գործոններից է կախված փոխհատուցման գումարը

Փոխհատուցման գումարի չափը կախված է տվյալ թռիչքի համար սահմանված պայմանագրից և կիրառվող միջազգային և ազգային իրավական նորմերից: Ուղևորը իրավասու է ստանալ փոխհատուցում նվազագույնը 3 ժամ ուշացման դեպքում:

Փոխհատուցման գումարի չափը կախված է հետևյալ գործոններից.

• Թռիչքի հետաձգման մասին զգուշացում և դրա ժամկետներն ու պատճառները( արտակարգ վայրէջք,վթար և այլն):
• Այլընտրանքային փոխադրամիջոցի առաջարկում պատշաճ ժամկետներում:
• Չվերթի հեռավորությունը:

Եվրամիության պետությունում գրանցված ավիաընկերությունների, ինչպես նաև Եվրոպական միության որևէ օդանավակայանից թռիչքի հետաձգման պարագայում ավիաընկերության հիմնական պարտականությունները

Մինչև 2 ժամ հետաձգման դեպքում ավիաընկերությունը որևէ պարտավորություն չի կրում: Սակայն իր ներքին կանոնների համաձայն՝ կարող է լրացուցիչ ծառայություններ մատուցել, որը շատ հազվադեպ է լինում:

2 ժամից ավել ուշացումով թռիչքի հետաձգման դեպքում ավիաընկերությունը պարտավոր է ուղևորներին տրամադրել 2 հեռախոսազանգ, 2 ֆաքս հաղորդագրություն, 2 էլեկտրոնային նամակ ուղարկելու հնարավորություն, ապահովել սննդով և ըմպելիքներով:

3-4 ժամից ավելի չվերթի հետաձգման պարագայում ավիաընկերությունը պարտավոր է ուղևորներին հետագայում տրամադրել նյութական փոխհատուցում, եթե այն ավիաընկերության մեղքով է և, եթե առկա են անհրաժեշտ ապացույցներ:

6 ժամից ավելի տևող չվերթի հետաձգման դեպքում ավիաընկերությունը պարտավորված է ուղևորներին տրամադրել անվճար կեցություն հյուրանոցում, ապահովել նրանց փոխադրումը:

Ինչպե՞ս ստանալ փոխհատուցում թռիչքի հետաձգման համար

Փոխհատուցում ստանալու հայտ ներկայացնելու համար Passenger.am կայքում անհրաժեշտ գործողությունների հերթականությունն է՝

1. Ուղևորի կողմից անձամբ ամբողջությամբ լրացնել և ստորագրել օնլայն հայտը՝ նշելով ստեղծված հանգամանքները ( թռիչքի հետաձգում):
2. Վավեր անձնագրի 2- 5 էջերի պատճենները PDF ֆորմատով:
3. Չվերթի ամրագրման հաստատված նամակը (էլեկտրոնային նամակը, ավիատոմսերի գրասենյակի ամրագրում և այլն):
4. Բոլոր առկա նստեցման կտրոնների ներկայացնելը:
5. Ավիատոմսի տվյալների ստուգումը:
6. Հասանելիք փոխհատուցման չափը, որը հաշվարկվում է ըստ թռիչքի տարածության (250-600 եվրո) մեր թիմի կողմից:
7. Անչափահաս Ուղևորի, ինչպես նաև սահմանափակ գործունակ կամ անգործունակ Ուղևորի դեպքում լրացվում է անչափահասի, ինչպես նաև սահմանափակ գործունակ կամ անգործունակ Ուղևորի տվյալները, սակայն ստորագրում է ծնողներից մեկը կամ օրինական ներկայացուցիչը՝ նշելով և կցելով նաև վերջինիս անձնագրային տվյալները:
8. Ստորագրել առ այն, որ տրված բոլոր տեղեկությունները համապատասխանում են իրականությանը և, որ Ուղևորը տեղեկացված է կեղծ կամ ակնհայտ կեղծ տեղեկություններ հաղորդելու համար օրենսդրությամբ նախատեսված պատասխանատվության մասին: